O Fisober FSF afronta unha nova tempada na Preferente Futgal Feminina cun plantel case idéntico ao do ano anterior, destacando soamente a baixa de Mireia.
As novas incorporacións, Alba Carreira e María Brea, procedentes do Meigas FS, achegan calidade e reforzan o equipo. O adestrador Fran Toba mantén o obxectivo de manter a competitividade a pesar das baixas importantes, como as de Adriana por lesión de xeonllo, Barca Toba tras a súa operación e Andrea cunha fascite plantar que lle impide comezar a tempada. Con todo, o obxectivo volve a ser o de buscar finalizar a Liga o máis arriba posible.
CREACIÓN DUN EQUIPO INFANTIL
Ademais, Fran Toba destacou a creación dun equipo infantil feminino, sendo unha gran noticia para o club. Sabela Soneira, unha xogadora de só 13 anos, xa debutou co equipo sénior na visita ao CD Composala, algo que marca un importante avance na aposta pola canteira.
