MANEL MARTÍNEZ: O catalán chegou ao conxunto ferrolán para achegar máis capacidade ofensiva e física

Manel Martínez é un dianteiro que domina o xogo de costas á portería, aproveita ben os espazos e unha das súas especialidades é o xogo aéreo. É un xogador que tamén se adapta ben como única punta ou cun acompañante no ataque.

O novo xogador do Racing formouse nas categorías inferiores de clubs cataláns como La Salle Premià de Mar, CF Damm, UE Cornellá e CD Masnou, e posteriormente estivo en clubs como o VCU Rams, CE Sabadell, Girona FC, UE Llagostera, Lorca FC, CF Peralda, Real Murcia CF, Marbella FC, Atlético Baleares e FK Surkhon Termez de Uzbekistán, antes de recalar no Racing Club Ferrol.

Un xogador cunha ampla experiencia e que chegou para sumarse a Manu Justo, Joselu e Padilla como punta do ataque ferrolán, levando ata a data 38 minutos disputados (20 ante o Ceuta, 10 ante a Cultural Leonesa e 8 ante o Linares Deportivo).