A escuadra ferrolá, que non tivo a súa mellor versión, caeu por 75-95 ante un CAB Estepona cunha estelar Koné que asinou 28 puntos.
Con dúas vitorias e dúas derrotas na súa marcadora, o Baxi Ferrol afrontaba a quinta xornada da liga Feminina Endesa co obxectivo de equilibrar positivamente a balanza. Lino introducía no seu quinteto a Alba Sánchez-Ramos, Karolina Sotolova, Moira Joiner, Elena Rodríguez e Lay Daniels, mentres que o club malacitano saía con Conner, Kone, Muhate, Gretter e Garrick.
O partido comezaba ben para o Baxi, que protagonizaba de inicio un parcial de 6-0, pero a partir de aí todo se foi torcendo. As malagueñas, que están a ir de menos a máis na tempada, mostraron o seu mellor cara, desdibujando completamente ao cadro ferrolán, índose no marcador cun 11-22 a falta de tres minutos para finalizar o cuarto. O bo acerto exterior de Conner e Garrick estaba a ser superior á intensidade defensiva das de Lino López, que conseguían unha pequena reacción para marcharse dúas abaixo con 22-24.
A partir do segundo cuarto, o Baxi desapareceu. Tras un arranque no que conseguían poñerse cunha mínima vantaxe, o Estepona volveu sacar a súa coraxe e anotaba todo o que lanzaba, dominando tanto no tiro exterior como no xogo interior. Lino trataba de facer reaccionar ás súas, pero o Baxi seguía completamente desconectado e as malagueñas seguían abrindo brecha no marcador ata pechar o segundo acto con 13 de vantaxe cun 36-49.
Tras a volta de vestiarios, nada cambiaba. Kone vestíase de Michael Jordan para dominar completamente co seu poderío ofensivo e anotar 24 puntos no terceiro acto, arroiando a un inoperante cadro da cidade naval ao que non lle estaban saíndo as cousas e caían por 54-75.
Coa chegada do último cuarto, todo seguía igual, con cada tímida reacción das locais, as visitantes respondían con ataques moi efectivos. As malacitanas, con Koné, Garrick, Conner e Marina Gea, seguían facendo moito dano e finalmente terminarían por pechar a xornada cun 75-95, deixando ao conxunto ferrolán con dúas vitorias e tres derrotas. Na próxima xornada, as de Lino López visitarán ao Cadí La Seu na competición nacional, pero antes terán o mércores o partido da EuroCup Women a domicilio ante o conxunto checo do SBS Ostrava.
Foto: sadmoody241
RESULTADO: Baxi Ferrol 75-95 CAB Estepona
BAXI FERROL: Alba Sánchez-Ramos (2), Karolina Sotolova (13), Moira Joiner (5), Elena Rodríguez (0) e Lay Daniels (10); Karla Erjavec (13), Blanca Millán (12), Claire Melia (17) e Ine Joris (3).
CAB ESTEPONA: Conner (19), Sika Koné (28), Ceci Muhate (2), Gretter (3) e Garrick (16); Dongue (9), Marina Gea (12), Noelia Masiá (4), Marta Ortega (0) e Aijanen (2).
CUARTOS: 22-24; 36-49 (14-25); 54-75 (18-26); 75-95 (21-20)
ÁRBITROS: Josep María Olivares Bernabéu, Cristian Martín Vázquez e Alejandro López Lecuona. Sinalaron 15 faltas en contra e 21 a favor do Baxi.
INCIDENCIAS: Quinta xornada da Liga Feminina Endesa celebrada no Pavillón de A Malata.
