O lateral esquerdo Pablo Rodríguez Rubial (Ponferrada, 1996), chegou ao Paiosaco fai dez tempadas procedente do conxunto coruñés do Victoria.
É un xogador rápido, deses míticos carrileiros de outrora que son sólidos en tarefas defensivas, pero que teñen un perfil moi ofensivo e convértense nun puñal pola banda para os seus rivais e que chegan con facilidade ao área contraria, e ademais, o ponferradino destaca pola súa facilidade para atoparse co gol. Pero non só as súas habilidades futbolísticas son as súas principais armas como xogador, xa que reúne outras calidades como o disciplinado e traballador que é, o que fixo que o seu técnico Diego Armando, ou anteriormente Juan Riveiro, confíen plenamente nel como un dos seus indispensables no persoal.
A tempada do Paiosaco non está a ser sinxela tras descender o ano pasado despois de estar dúas tempadas consecutivas en Terceira, algo que non pasou desapercibido para Pablo Rodríguez, comentando que “desde o principio non están a saír as cousas como queriamos, está a ser un ano difícil”, aínda que alente aos seus a non baixar os brazos alegando que “temos que seguir traballando para os partidos que quedan ata o final”.
Ademais de xogar, tamén dirixe aos pequenos da canteira “desde hai varios anos”, algo que sempre motiva a Pablo Rodríguez, xa que “me gusta bastante e pásoo moi ben cos rapaces”. O importante para el é que os seus pupilos “gocen e páseno ben”, inculcando valores como “o esforzo e que aprendan a competir, sempre con respecto e disciplina”.
