O Racing remontou ante o Algeciras CF e levouse a vitoria por 2-1 que lles permite subir ata a cuarta posición.
Parralo formou no once inicial ante o Algeciras a Gazzaniga, Aitor Pascual, Jon García, David Castro, Enol Coto, Fran Manzanara, Jesús Bernal, Héber Pena, Carlos Vicente, Luis Chacón e Manu Justo.
Os ferroláns tiveron unha boa ocasión nos primeiros minutos de xogo tras unha boa xogada colectiva que terminaba en pase de Luis Chacón para Manu Justo e no último instante rexeitaba a defensa rival. Pero sería o Algeciras quen golpeara primeiro tras un penalti cometido por Gazzaniga ao derribar a Roni. Álvaro poñería o 0-1 ao trasformar a pena máxima.
O Racing rozou o empate no 21 tras unha falta lanzada por Héber, peina David Castro e Rubén Miño rexeita cunha gran parada por abaixo. No minuto 35 os locais non fallarían tras un gran pase filtrado de Jon García a Carlos Vicente, que deixaba atrás para que Manu Justo rematara de primeiras e puxera o 1-1 no marcador.
Co empate, ambos os dous conxuntos marcharon ao descanso. O Racing dominaba o partido e merecía un mellor resultado.
Tras a reanudación, o Racing daba a volta ao marcador cunha gran xogada de Carlos Vicente pola banda e que deixaba un pase atrás para que Luis Chacón marcara o segundo dos ferroláns.
Gazzaniga faría unha gran parada nun córner no que o porteiro local detiña o balón sobre a liña de gol. O Racing pouco a pouco defendia o resultado ante un Algeciras que presionaba moi alto buscando o empate.
No 85′ David Castro disparou desde o seu campo e case sorprende a Rubén Miño, que tivo que facer unha boa intervención para evitar o gol racinguista.
Ao final, o Racing levaría a vitoria tras unha gran primeira parte e un gran inicio da segunda. Os ferroláns agora mesmo son cuartos na clasificación da Primeira Federación con 46 puntos.
RESULTADO: Racing 2-1 Algeciras CF
RACING CLUB FERROL: Gazzaniga, Aitor Pascual, Jon García (Quique Fornos 69′), David Castro, Enol Coto, Fran Manzanara (Álex López 66′), Jesús Bernal, Héber Pena (Jorge Padilla 82′), Carlos Vicente (Jaume Jardí 82′), Luis Chacón (David del Pozo 69′) e Manu Justo.
ALGECIRAS CF: Rubén Miño, Benítez (Ferni 45′), Van Rijn, Amoah, Iván (Rodrigo 67′), Roni, Álvaro (Sidiki 82′), Elejalde, Mario Ortiz (Borja Fernández 39′), Albarrán e Mena (Serrano 67′).
GOLES: 0-1 Álvaro (5′ penalti), 1-1 Manu Justo (35′) e 2-1 Luis Chacón (48′).
ÁRBITROS: Alfonso Vicente Moral como principal, José María Madrigal Pérez e Miguel Murciego Cabezas como asistentes e Javier Figueirido Comesaña como cuarto.
TARXETAS: Amoestaron aos locais Gazzaniga (4′), Fran Manzanara (58′), Aitor Pascual (87′) e Padilla (89′), e aos visitantes Iván (12′), Roni (19′), Benítez (25′), Mario Ortiz (38′), Ferni (64′) e Amoah (75′).
INCIDENCIAS: Partido correspondente á 26ª xornada da Primera Federación disputada no estadio A Malata cunha asistencia de 3500 afeccionados.
Compartir:
Novas relacionadas

O Club Sysca inicia con bo pé a tempada 2026/2027 de piscina
Ademais dos destacados resultados acadados en todas as categorías, os carballeses sumaron dous novos récords galegos. O Club Sysca deu comezo á tempada 2026/2027 coa

Campomar proclámase vencedor do XV Desafío Campomar-Armada
O Club de Golf Campomar acolleu a pasada fin de semana a segunda e última proba do XV Desafío Campomar-Armada, poñendo así o broche final

O Concello de Carballo convoca os II Premios do Deporte cunha nova categoría dedicada ao deporte inclusivo
O Concello de Carballo vén de convocar os II Premios do Deporte, unha iniciativa promovida polo Consello Deportivo Municipal que ten como finalidade recoñecer publicamente

Lucas Wünschmann: “Estou contento de xogar unha tempada máis neste club”
Lucas Wünschmann Porta (Neda, 2004) comezou a forxar o seu destino entre redes e balóns na canteira do Sansa. Alí medrou ata conquistar os escenarios

Álex Piñeiro: “Gustaríame construír un equipo unido”
Alejandro Piñeiro Otero (Pontedeume, 1987), coñecido como Álex Piñeiro, leva o balonmán eumés no sanque, xa que formouse e xogou toda a súa vida no
© Copyright 2021. BISBARRA EN XOGO | Desarrollado por Creatigal