BILLARDA: Comezou a tempada 2021/22

O domingo 19 de setembro comezou a nova tempada 2021/2022 de Billarda coa primeira xornada da Liga Atlántica Conferencia Noroeste disputada en Arteixo.

O Concello de Arteixo cedeu as instalacións do campo municipal Ponte dos Brozos para xogar esta primeira xornada de billarda e desde a Liga Atlántica agradecen ao Concello pola cesión do campo.

En canto á xornada, participaron un total de 55 palanadores de seis equipos procedentes da Coruña, Lugo e Pontevedra que puideron gozar dun día asollado para a práctica da billarda.

Na categoría absoluta, Abel Ponte de Campo da Feira proclamouse campión da xornada, sendo Collazo, tamén de Campo da Feira, o segundo clasificado e Bonxe de Chaínzos-Cadaval ocupou a terceira praza.

Na categoría feminina, o primeiro posto foi para Irene de Cochiqueiros, sendo Auri do Campo da Feira a subcampioa e Delia de Chaínzos-Cadaval a terceira.

En canto a categoría infantil, Abel do Campo da Feira foi o vencedor da xornada, sendo Kevin da APB o segundo clasificado e Roy, tamén da APB, o terceiro.

Finalmente, por equipos, o Campo da Feira dominou esta primeira xornada e proclamouse vencedor, sendo o segundo posto para Filloas de Sangue e o terceiro posto para APB.

 

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).