O club cesou ao pontés e o preparador físico dirixirá ao conxunto provisionalmente.
Tras encadear catro derrotas consecutivas, sendo a última ante o Atlético Arteixo por 0-1, o club tomou a dura decisión de cesar a Marco Roca como adestrador tras tempada e media dirixindo á UD Somozas durante 56 partidos, logrando 26 vitorias, 13 empates e 17 derrotas, ademais de disputar o playoff de ascenso á Segunda RFEF a pasada tempada.
De maneira provisional, o preparador físico do conxunto somocense, Fran Beade, asumirá tamén o cargo da dirección técnica.
