O racinguismo está de celebración e non é para menos, xa que naceu a Peña D`Tapas, que conta con 75 integrantes polo momento e que apoiarán ao Racing en cada partido desde o sector 9 do fondo sur, ademais de acompañar ao club polas viaxes en Galicia e Castela e León.
A Peña D´Tapas, que está presidida por Iago Rodríguez, realizou o acto de inauguración na súa sede, o Bar – Café D´Tapas, situado en Canido na rúa Alegre 87-89 e rexentado por Pancho e o seu fillo Fran. No devandito acto, acudiron multitude de afeccionados, ademais de varios xogadores do Racing e o presidente do club, José María Criado, entre outras personalidades do club.
